عارفين ليه البطاطس المحمرة هية الاكلة الوحيدة اللي اجتمع الناس كلهم علي حبها ؟
...
1 - البطاطس المحمرة لما بتتفلي في الزيت بتبقي عادة مقرمشة من برة و طرية من جوة-عشان كدة لما حد يعمل معاك موقف سخن اوي ماتعملهوش وحش اوي ..ايوة حاسسه انك زعلان منه و خد موقف بس خلي قلبك ابيض و وطري "طيب يعني " مش ناشف و سامح عشان ربنا بيسامح ....
2 - البطاطس المحمرة تلاقيها عند ماكدونالدز ( فرينش فرايس) و برضه تلاقيها عند بتاع الفول والطعميه يعني انت كمان خليك زي البطاطساية ماتتكبرش علي حد وصاحب كل الناس غني او فقير
3 - البطاطس المحمرة بتتقدم مع حاجات كتير :مايونيز , كاتشب ,صالصات مختلفة و ساعات كمان طحينة بس بتفضل في الاخر اسمها بطااااطس يعني مهما اتعرضت لثقافات و بيئات مختلفة احتفظ دايما بشخصيتك المستقلة و طريقة تربيتك و خلي الناس هية اللي تتاثر بيك
4 - البطاطس بارضه ممكن تبقي شيبسي و هي اول حاجة بنفكر فيها لما بنحس بالجوع و احنا برة البيت ساعد الناس دايما و خليك اول واحد ييجي علي بالهم لما يقعوا في مشكلة خليك جدع زي "الشيبسي"
5 - البطاطس المحمرة لو اتهرست بتبقي بارضه طعمها حلو و ممكن نسميها "بطاطس بيوريه"-مهما الدنيا تهرس و تبهدل فيك خليك شخص كويس و لذيذ و طلع للدنيا لسانك و قول "انا بطاطساية بيوريه عشان تبقي محبوب من كل الناس
علشان كده خليك دايمااااااااااا بطاطس
موضوع: خليك بطاطسس!!!! 
الخميس يونيو 06, 2013 6:24 pm